ससा आणि कासव..नव्यानं

 ससा आणि कासवाने आता पुन्हा धावायचा ठरवलंय.. 

पण थांबण्यात काय आज आहे हे सश्याला नव्याने गवसलय.. 

की कशासाठी पळतो आहे याची उत्तरे ससा आता शोधू पाहतोय 

शर्यत जिंकण्यापेक्षा महत्वाचा तो पुन्हा धावतोय 

थोडा थांबला ससा म्हणून हरला असेल कदाचित 

पण गोड़ गाजर अन सुखाच्या झोपेची किंमत कासवाला नाही कळणार किंचित 

शेवटी काय पळणे महत्वाचे , अगदी शर्यत संपेपर्यंत पळायचा ...  

पण 

ससा आता पुन्हा थोडासा थांबणार , गाजर खाऊन पुन्हा एकदा झोपणार 

शर्यत तर पाचवीलाच पुजली आहे त्याचा , पण अशी सुखाची झोप पुन्हा पुन्हा नाही मिळणार.. 

मलई

 तुम्ही हि कधी खाल्ली असले तिच्याचबरोबर , शहाळं मधली मलाई... 

थोडीच स्वतःला आणि थोडीशी जास्त तिलाही.. 

प्रेमाचे ते क्षण अगदी मलाई सारखेच नाजूक आणि मऊसर असतात 

कितीही धरून ठेवले तरी अलगद हातून निसटू पाहतात 

त्या वेळी वाटत शहाळंचा समुद्र व्हावा.. 

त्याच्यातल्या गोड पाण्याला आणि तिच्या जवळ असण्याला कधी अंत नसावा.. 

शहाळं मधली मलाई... 

थोडीच स्वतःला आणि थोडीशी जास्त तिलाही.. 

- ओंकार 

पाऊस आणि आठवण

 पुन्हा पाऊस येणार आणि पुन्हा आठवण हि येणार . 

प्रत्येक थेंबा गणिक ,आठवण दाट आणि आभाळ निरभ्र होणार. 

पाऊस काय तीन मास थांबेल, जाईल अन पुन्हा येईल 

पण मना मध्ये खोल रुतून बसेल, आठवणींच पाऊल. 

आठवण पावसा सारखी, कि काळ्या ढगांसारखी ?

दाटून जरी आली,तरी स्वतःलाच करते पारखी 

पुन्हा पाऊस येणार आणि पुन्हा आठवण हि येणार . 

प्रत्येक थेंबा गणिक ,आठवण दाट आणि आभाळ निरभ्र होणार.